სულიკო საგინაძის ბლოგი: მუსიკის კლუბი- მუსიკა გვაცოცხლებს

კლუბის სახელწოდება: " საგალობელი"

მუსიკის კლუბის სლოგანი: "მუსიკა გვაცოცხლებს"

სამუშაო პროგრამა

დიოკნისის საჯარო სკოლის მუსიკის კლუბი - ,,საგალობელი“

სამიზნე სკოლა :დიოკნისის საჯარო სკოლა

პროგრამის განმახორციელებელი პედაგოგი და საოკნტაქტო ინფორმაცია:დიოკნისის საჯარო სკოლის მუსიკის პედაგოგი სულიკო საგინაძე

მიმართულება: მუსიკა

სამიზნე ჯგუფი :VI, VII, VIII, IX, კლასის მოსწავლეები

წრის ხანგრძლივობა, განხორციელების ვადები: 3 /10/2019 – 10/10/2019

პროექტში ჩართული მოსწავლეების პროფილი (ასაკი, რაოდენობა)10-16 წლამდე ასაკის მოსწავლეები. 8 მოსწავლე.

წრის მნიშვნელობა და აქტუალურობა: .მიუხედავად იმისა რომ სკოლაში ისწავლება საგანი მუსიკა ,მოსწავლების უმეტესობა მაინც არ იცნობს მისი ქვეყნის კულტურულ ფასეულობებს, ისეთს როგორიცაა ქართული მრავალხმიანი გალობა . კლუბის შეხვედრების ფარგლებში დაგეგმილი აქტივობები , მოსწავლეებს საშუალებას მისცემს შეისწავლონ სხვადასხვა კუთხის საგალობლები და წარსდგნენ სხვადასხვა სახის ღონისძიებაზე,

წრის მუშაობის მიზანი: საწრეო შეხვედრების მიზანია ქართული საგაობლების შესწავლა, მისი შენარჩუნება და პოპულარიზაცია,ეროვნული კულტურული ფასეულობების, მართლმადიდებლური რელიგიისადმი პატივისცემის ჩამოყალიბება, მაღალი ზნეობრივი ღირებულებების პიროვნებად ჩამოყალიბება.

შედეგი : მოსწავლეები შეისწავლიან ქართულულ საგალობლებს და წარდგებიან სხვადასხვა სახის ფესტივალზე თუ ღონისძიებაზე.

გამოყენებული რესურსები: ფორტეპიანო, აუდიო მასალა, ინტერნეტი.

გამოყენებული რესურსების შესაბამისობა მიზანთან : ეს რესურსები ეხმარება მოსწავლეებს, ბგერების სწორად გამეორებაში და მელოდიის გაგება /გააზრებაში.

თემის /საკითხების ჩამონათვალი( შესასწავლი სიმრერების რეპერტუარი)

თემა : ქართული საგალობლები

საკითხები :

· ,,ქრისტე აღსდგა ‘’(სვანური )

· ,,წმინდაო ღმერთო’’( პატრიარქის )

· ,,ალილო’’

· ,,მრავალჟამიერ’’

სიპ ხულოს მუნიციპალიტეტის სოფელ დიოკნისის საჯარო სკოლის

კლუბ ,,საგალობელ“ ის

წესდება

მუხლი 1. ზოგადი დებულებები

1. სსიპ ხულოს მუნიციპალიტეტის სოფელ დიოკნისის საჯარო სკოლის მუსიკის კლუბი ,,ჰანგები-“ ის (შემდგომში - კლუბი) დაფუძნებულია „ზოგადი განათლების შესახებ“ საქართველოს კანონის 48-ე მუხლის „ე“ ქვეპუნქტისა და ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ’’ საქართველოს განათლებისა და მეცნიერების მინისტრის 2005 წლის 15 სექტემბრის N448 ბრძანებით დამტკიცებული ,,საჯარო სკოლის წესდების“ მე-10 მუხლის მე-6 პუნქტის „გ“ ქვეპუნქტის საფუძველზე მოსწავლეთა თვითმმართველობის წევრთა ინიციატივით.

2. კლუბი დაფუძნებულია ერთი სასწავლო წლის ვადით.

3. კლუბს აქვს სახელწოდება, ლოგო, აგრეთვე შეიძლება ჰქონდეს სხვა რეკვიზიტები.

4 კლუბის იურიდიული მისამართი: საქართველო, სსიპ ხულოს მუნიციპალიტეტის სოფელ დიოკნისის საჯარო სკოლა.

მუხლი 2. კლუბის მიზნები და დაარსების იდეა

1.კლუბის მიზნებია:

1.1. სკოლის მოსწავლეებისათვის საკუთარი თავის გამოხატვის შესაძლებლობების მიცემა;

1.2. სასკოლო პროგრამების მხარდაჭერა;

1.3. საგანმანათლებლო ბაზის შექმნა;

1.4. მოსწავლეთა კვლევის, ანალიზის, ჯგუფური მუშაობისა და დისკუსიის უნარების გამოვლენა, ჩამოყალიბება და განვითარება;

1.5.მიღებული ცოდნის გამოყენება ყოველდღიურ ცხოვრებაში;

1.6. პრეზენტაციის უნარების ჩამოყალიბება;

1.7. პრობლემების გადაჭრის უნარების განვითარება;

1.8. წყვილებში, ჯგუფურად და ინდივიდუალურად მუშაობისას გამოცდილების მიღება-გაზიარება;

2. კლუბის დაარსების იდეაა მოსწავლეთათვის კლუბის ფარგლებში წარმოშობილი პრობლემური თუ საინტერესო საკითხების განხილვა, სხვადასხვა საგანმანათლებლო აქტივობების ორგანიზება მოსწავლეთა პრაქტიკული და თეორიული უნარების განვითარებისათვის.

მუხლი 3. კლუბში გაწევრიანება და წევრობის შეწყვეტა

1. კლუბის წევრობა ნებაყოფლობითია;

2. კლუბის წევრი შეიძლება გახდეს ამავე სკოლის საბაზო საფეხურის მოსწავლე, რომელიც იზიარებს კლუბის მიზნებს;

3. კლუბის წევრობის მსურველმა უნდა მიმართოს კლუბს წერილობით ამ წესდების დანართი N1 -ით დამტკიცებული ფორმით;

4. კლუბის წევრი ვალდებულია მიიღოს მონაწილეობა კლუბის საქმიანობაში, დაიცვას წესდების მოთხოვნები, შეასრულოს დავალებები და კლუბის მიერ მიღებული გადაწყვეტილებები;

5. კლუბის წევრს ეკრძალება იმოქმედოს ორგანიზაციის სახელით კურატორთან შეთანხმების გარეშე;

6. კლუბი პასუხისმგებელია მისი წევრის მხოლოდ იმ საქმიანობაზე, რომელიც დაკავშირებულია კლუბის საქმიანობასთან;

7. კლუბის წევრს უფლებამოსილება უწყდება:

ა) პირადი განცხადების დაფუძველზე;

ბ) კლუბის წევრთა ხმათა უმრავლესობის გადაწყვეტილებით, როდესაც მისი საქმიანობა ეწინააღმდეგება კლუბის მიზნებს და უხეშად არღვევს აღნიშნული წესდების დებულებებს;

გ) მოსწავლის ამორიცხვის, გარიცხვის, სტატუსის შეჩერების შედეგად;

8. კლუბის წევრთა რაოდენობა არ არის გასაზღვრული.

მუხლი 4. კლუბის მართვა და გადაწყვეტილებების მიღების წესი

1. კლუბს შეიძლება ჰყავდეს მინიმუმ ერთი კურატორი (მასწავლებელი), რომლის უფლებამოსილებაა უხელმძღვანელოს კლუბის საქმიანობას, ერთპიროვნულად წარადგინოს კლუბი მესამე პირებთან, უხელმძღვანელოს კლუბის მიერ განსახორციელებელი პროექტებისა და პროგრამების შემუშავებასა და რეალიზაციას, განაგოს კლუბის ქონება;

2. გადაწყვეტილების მიღებისას ხმის უფლებით სარგებლობენ კლუბის წევრები, რომლებიც გადაწყვეტილებას იღებენ დამსწრეთა უმრავლესობით.

მუხლი 5. კლუბის მუშაობა

1. კლუბი იკრიბება საჭიროებიდან გამომდინარე;

2. კლუბი მუშაობს წინასწარ შემუშავებული სამუშაო გეგმით;

3. კლუბის კურატორი ინტერნეტსივრცეში სკოლის ვებგვერდზე ან სოციალურ ქსელში სკოლის გვერდზე ან ბლოგზე განათავსებს შემდეგ ინფორმაციას:

3.1. კლუბის სახელწოდება და შესაბამისი ატრიბუტიკა;

3.2. კლუბის წესდება, მისი დაარსების იდეა და მიზნები;

3.3. კლუბის სამუშაო გეგმა;

3.4. განაცხადის ფორმა კლუბში გაწევრიანების მსურველთათვის;

3.5. საკლუბო აქტივობების ამსახველი ფოტო/ვიდეო მასალა/შესაბამისი ბმული;

4. ამ წესდების მეორე მუხლით გათვალისწინებული ამოცანებისა და მიზნების მისაღწევად კლუბის წევრები:

4.1.ახორციელებენ კვლევას სკოლის მოსწავლეთათვის საინტერესო საკითხვებზე;

4.2.ორგანიზებას უწევენ კონკურსებსა და სხვადასხვა პროექტებს;

4.3.უზრუნველყოფენ მოსწავლეთა ინფორმირებას კლუბის ფარგლებში წამოჭრილ საკითხებთან დაკავშირებით;

4.4.წინადადებებით მიმართავენ სკოლის მოსწავლეთა თვითმმართველობას.

მუხლი 6. კლუბის საქმიანობის შეწყვეტის საფუძვლები

კლუბის საქმიანობა წყდება:

ა) მოსწავლეთა თვითმმართველობის წევრების გადაწყვეტილებით, თუკი კლუბმა დაკარგა აქტუალურობა (მოსწავლეებში დაინტერესება);

ბ) კლუბის მოქმედების ვადის გასვლით.

მუხლი 7. ცვლილებების შეტანა

კლუბის წესდებაში ცვლილებებისა და დამატებების შეტანა ხდება ცვლილების შესახებ ინიციატივის მოსწავლეთა თვითმმართველობის საბაზო/საშუალო საფეხურის გაერთიანებულ სხდომაზე განხილვისა და დამტკიცების შედეგად.